E themeluar fillimisht si shkollë teknike në vitin 1929 dhe e rihapur më 1 shtator 1968, shkolla ka luajtur një rol të rëndësishëm në formimin e brezave të specialistëve të mesëm në fusha industriale, teknike dhe teknologjike. Gjatë viteve, ajo ka mbajtur emra të ndryshëm, ndërsa sot njihet me krenari si Shkolla Teknike “Arben Broci”, në nderim të ish-nxënësit të saj dhe dëshmorit të demokracisë, Arben Broci.

Me ambiente të rikonstruktuara, laboratorë modernë dhe programe të përshtatura me nevojat e tregut të punës, shkolla synon t’u japë nxënësve jo vetëm njohuri teorike, por edhe aftësi praktike të përdorshme menjëherë në profesion. Nxënësit tanë përgatiten për të qenë teknikë, profesionistë dhe sipërmarrës të së ardhmes, të aftë të punësohen në sektorë të ndryshëm ose të vazhdojnë studimet e larta brenda dhe jashtë vendit.